Jis Tarah Tum Ne Chalaya Mujh Ko / جس طرح تم نے چلایا مجھ کو
جس طرح تم نے چلایا مجھ کو
کون دیتا یہاں رستہ مجھ کو
عجب آواز تھی ان آنکھوں کی
کیسے کیسے نہ پکارا مجھ کو
اپنی پہچاں یوں بنائی تم نے
سب کی نظروں میں گرایا مجھ کو
زندگی بھر کا تعلق توڑا
خوب آئینہ دکھایا مجھ کو
نا خدا ڈوب چکا ہے میرا
کیسے حاصل ہو کنارہ مجھ کو
میرا دل بھی ہے یہ دلی کی طرح
جو بھی آیا یہاں لوٹا مجھ کو
یہ بھی اک خاص ہنر مندی ہے
تم نے جس آنکھ سے دیکھا مجھ کو
ایک مہتاب مجھے جانتا ہے
اور کس نے یہاں جانا مجھ کو
- بشیر مہتاب
jis tarha tum ne chalaya mujh ko
kon deta yahaañ rassta mujh ko
ajab aawāz thi un ānkhoñ ki
kaise kaise na pukāra mujh ko
apni pehchaañ yuñ banayi tum ne
sab ki nazrōñ meiñ giraya mujh ko
zindagi bhar ka ta'aluq toda
khoob aayiena dikhaya mujh ko
na-khuda Doob chuka hai mera
kese haasil ho kinara mujh ko
mera dil bi hai ye dilli* ki tarha
jo bi aaya yahaañ loota mujh ko
ye bhi ek khaas hunar mandi hai
tum ne jis aankh se dekha mujh ko
aek mehtaab mujhay jānta hai
aur kis ne yahāñ jāna mujh ko
- Bashir Mehtaab
(*dilli = Delhi)
Comments
Post a Comment