AerooN GerooN Ko Bojh Lagtay Hai / ایروں، غیروں کو بوجھ لگتے ہیں
ایروں، غیروں کو بوجھ لگتے ہیں
جانے کتنوں کو بوجھ لگتے ہیں
آپ اِس اُس کی بات ہی نہ کریں
ہم تو اپنوں کو بوجھ لگتے ہیں
ہے یہی رونا اب گلستاں کا
پھول کلیوں کو بوجھ لگتے ہیں
ایک مدت سے میں نہیں سویا
خواب آنکھوں کو بوجھ لگتے ہیں
اُگ چکے ہیں ہمارے جسموں پر
سر! جو تکیوں کو بوجھ لگتے ہیں
آپ سے ایک پل نہیں کٹتا
ہم تو گھنٹوں کو بوجھ لگتے ہیں
جانتا ہوں کہ آج میرے قدم
تیری گلیوں کو بوجھ لگتے ہیں
ایک آنگن میں رہنا مشکل ہے
رنگ پھولوں کوبوجھ لگتےہیں
کیسے کوئی غزل کہے مہتاب
غم بھی لفظوں کو بوجھ لگتے ہیں
ـــــــــــ۔ بشیر مہتاب
ــــ
AerooN gerooN ko bojh laghtay hain
jaanay kitnooN ko bojh laghtay hain
aap iss uss ki baat hi na kareN
hum to apnooN ko bojh laghte hain
hai yehi rona ab gulistaan ka
phool kaliyooN ko bojh laghte hain
eik mudat se mai nhi sooya
Khawab ankhooN ko bojh lghte hain
ugg chukay hain hamarey jismooN par
sarr! jo takyooN ko bojh laghte hain
aap se eik pall nhi kaT-ta
hum to ghenTooN ko bojh laghte hain
jānta hu ki aaj mere qadam
teri ghalyooN ko bojh laghte hain
eik aanghan mai rehna mushqil hai
rangg pholooN ko bojh laghte hain
kaise koi gazal kahae mehtaab
gham bi lafzooN ko bojh laghte hain
- Bashir Mehtaab
Comments
Post a Comment