Asifa / آصفہ
زمیں رو رہی آسماں رو رہا ہے
ترے غم میں سارا جہاں رو رہا ہے
Zameeñ ro rahi āsmāñ ro raha hai
Tere gamm maiñ sāra jahāñ ro raha hai
صدا آ رہی آصفہ آصفہ کی
ترے حال پر یہ زماں رو رہا ہے
Sadha aa rahi Aasifa Aasifa ki
Tere haal par ye zamāñ ro raha hai
کہاں لے گئی تجھ کو فرقہ پرستی
ترا ایک اک مہرباں رو رہا ہے
Kahāñ lay gayi tujh ko firqa parasti
Tera aek ek mehrabāñ ro raha hai
کہیں پھول آئے کہیں پھول بکھرے
تمہارے لئے گلستاں رو رہا ہے
Kaheeñ phool aaye kaheeñ phool bikhray
Tumharay liye gulsitāñ ro raha hai
یہ کیسا چنا ہے گلِستاں کا مالی
یہ پھولوں کے غم میں کہاں رو رہا ہے
Ye kaisa chuna hai gulistaa’N ka maali
Ye phoolūñ kay gham meiñ kahāñ ro raha hai
ترے حال پر رحم آیا نہ اُن کو
مرے دل سے اُٹھتا دھواں رو رہا ہے
Tere haal par reham aaya na un ko
Mere dil se uth’ta dhuwāñ ro raha hai
عذاب آ نہ جائے کہیں آسماں سے
ترے دکھ میں بچہ ، جواں رو رہا ہے
Azaab aā na jāye kaheeñ āsmāñ say
Tere dukh meiñ bacha, jawāñ ro raha hai
بشیر مہتاب
Bashir Mehtaab
Comments
Post a Comment